Hơnih Jơnŭm chơ kơ pơdă tơƀôh teh đak hăm să truh 90ha, găh grŭp 10 hơnih pơdă tơƀôh tih hloh apŭng plĕnh teh, akŏm đei tơ dra hơdrol gô jing “hơnih tih ‘nao” kơ Anih kơdrơ̆m. Tơdrong jang pơm tơ̆ ‘măng năm mơ̆t Hơlĕch Tu Hà Nội, hơnih tơm kơ dôm trong tih gĭt kăl năm tơ̆ dôm dêh char ‘noh đei trong nơnăm, trong gre păr păng metro hlôi đei proh hơmet.

Hơnih Jơnŭm kơchơ Pơdă tơƀôh teh đak ‘noh jĭ tơdrong jang tơm kơ teh đak lơ̆m tơdrong jang tĕch mơdro pơvih pơvăn, tơplih ăn Hơnih pơdă tơƀôh so tơ̆ Giảng Võ păng jing hơnih năm truh apŭng plĕnh teh ăn dôm tơdrong jang mơdro sa, pơdă tơƀôh tih hloh jơ̆p plĕnh teh, tơlĕch jang mŭk drăm Expo ‘lơ̆ng hơiă. ‘Nâu jĭ tơdrong gĭt kăl pơm hơnih apŭng plĕnh teh ăn dôm anih mơdro sa lơ̆m păng ‘ngoăih teh đak tơƀơ̆p băl, tơgoăt tơdai, pơtrŭt mơdro sa, hơdai hăm jing tơdrong ‘lơ̆ng ‘nao ăn tơdrong mŭk drăm tŏk kơ Anih tơm Hà Nội.