Pơma ah hop akŏm, Thủ tướng teh đak bơ̆n Phạm Minh Chính ƀrơ̆k kơ jơhngơ̆m hăm tơdrong lui ngeh, kăp gĭt, tơgŭm dih băl đơ̆ng kon pơlei 2 teh đak, atŭm hăm noh akhan tơbôl Việt Nam – Hàn Quốc tam mă layơ ‘lơ̆ng hơ-iă nhen dang ei. Gah jang hadoi lơ̆m asong bơngai jang, Thủ tướng ăn tơbăt, đơ̆ng rŏng hloh 30 sơnăm jang hadoi, đei lơ tơdrong ưh sơđơ̆ng, mă lei ăn ƀôh, tơdrong mă bơngai jang Việt Nam năm jang tơ̆ Hàn Quốc jing kăl hloh, bơngai jang Việt Nam sơđơ̆ng jơhngơ̆m ƀơ̆t năm jang tơ̆ Hàn Quốc.

Thủ tướng Phạm Minh Chính lui ngeh, hăm tơdrong kơ-‘nôh kơ 2 pah, kiơ̆ tơchơ̆t jang Tơbôl tôm tơdrong Việt Nam - Hàn Quốc, jang hadoi mŭk drăm, bơngai jang gô pơtoi jing dơnơm kăp gĭt lơ̆m tơbôl kơ 2 teh đak, atŭm hăm noh jing jơhngơ̆m pran vă hơtŏk tơdrong tơbôl kơ 2 teh đak tŏk minh hơyak ‘nao kơyuơ tơdrong rơngei jơnap atŭm.