Iung pơma tơ̆ Hop akŏm, Thủ tướng Teh đak Phạm Minh Chính pơma hơdăh, lơ̆m khei năr apŭng plĕnh teh hrei ou, atŏk tơ iung kơjăp ‘lơ̆ng, jơ̆p jang păng atŏk kơtang rơgoh ‘lơ̆ng hlôi jing tơdrong kăl hloh hăm rim teh đak; lơ̆m ou, tơdrong oei sa joh ayŏ hlôi jing jơhngơ̆m pran kơ atŏk tơ iung kơjăp ‘lơ̆ng, gơnơm kơ ‘noh tơgŭm ăn tơmang pơhiơ̆ lơ̆m plei teh tŏk kơtang dơ̆ng. Kiơ̆ đơ̆ng Thủ tướng, Việt Nam – Hàn Quốc ‘noh ƀar teh đak châu Á hăm đei lơ tơdrong vă lei lăi dih băl lơ̆m tơdrong oei sa joh ayŏ păng chăl sơnăm, lơ̆m hloh 30 sơnăm ou ki, tơgoăt tơgoăl Việt Nam - Hàn Quốc đei atŏk tơ iung kơtang, hlôi jing Jang hơdoi tôm tong lơ̆m sơnăm 2022 păng tŏk bŏk lơ̆m jăl atok tơ iung ‘lơ̆ng liĕm păng rơvơn hloh đơ̆ng sơ̆ truh dang ei. Mă kăl, jang hơdoi tơmang pơhiơ̆ păng joh ayŏ ‘noh mĭnh trong jang hơ iă hloh.