Ƀlep lơ̆m năr tơbăt 75 sơnăm Năr Kơdră chĕp pơgơ̆r Teh đak Hồ Chí Minh tơlĕch nơ̆r Krao hơvơn pơting dih băl ‘mêm kơ eng teh đak (11/6); Jang kiơ̆ Khei iung jang tang găn ma tuý hăm hơnăn “Atŏk kơtang, iŏk đei jơnei, iung jang hơdoi kơjăp tang găn ma tuý - Kơ yuơ tơpôl ưh kơ đei ma tuý”, gơmăng hei (14/6) Hơnih tơm Kŏng ang-Hơnih jang tơm găh tang găn ma tuý hlôi pơgơ̆r ‘Măng pơgơ̆r Hơpơi ‘meh vă sơđơ̆ng dơ̆ng kơjăp - Pôk pơ ư tơpôl, rim bơngai jang ‘lơ̆ng".

Tơ̆ jơ pơm lêh, Khul chĕp pơgơ̆r hlôi pôk bơnê dôm tơdrong jang jơnei, bơ̆ jang ‘lơ̆ng đơ̆ng rim khul, mă kăl ‘nŏh 140 ‘nu bơngai jang đei pôk pơ ư. Iung pơma tơ̆ pơm lêh, Thủ tướng Teh đak Phạm Minh Chính sơkơ̆t hơdăh, ‘nau jing jơ ‘năr vă pôk bơnê rim ƀô̆ đô̆i kŏng ang hlôi nuih mơng lôch hơchăng păng pôk bơnê, pôk pơ ư dôm bơngai jang ‘lơ̆ng, nuih mơng lơ̆m iung tơjră phă pơrăm kơ yuơ mĭnh tơpôl ưh kơ đei ma tuý; đơ̆ng noh pơtruh jơhngơ̆m pran, hơnăp jang păng plang akau kơ yuơ kon pơlei pơla, tơpôl vă jang kiơ̆ trong tơlĕch jang “Kơ yuơ teh đak ưh kơ hli hiong răm, kơ yuơ kon pơlei iung năm jang”.