Tơ̆ hop akŏm âu, Anih pơgơ̆r hlôi pôk pơ ư 273 ‘nu bơngai jang ‘lơ̆ng đei pôk rơih tơ̆ dôm hop akŏm pôk pơ ư bơngai kră jang mŭk drăm hơgei jăl jang 2018 - 2023 tơ̆ 63 dêh char, pơlei tơm lơ̆m teh đak.

‘Nâu jĭ dôm bơngai kră jang mŭk drăm hơgei, ưh khan lăp pơm pơdrŏng ăn kơdih kâu, ăn ŭnh hnam mă oei pơm tơdrong jang ăn lơ bơngai, tơgop hơtŏk tơiung mŭk drăm tơ̆ tơring păng pơm tơdrong lang să lơ̆m teh đak. Pơma tơ̆ jơ pơm lêh, Thủ tướng Phạm Minh Chính pơma hơdăh, dôm tơdrong hơdrin păng jang đei đơ̆ng bơngai kră lơ̆m teh đak hlôi tơgop gĭt kăl hơnhăk teh đak bơ̆n yak hloh băt dôm yơ mơmat tat, long nol, vă teh đak bơ̆n đei đăi tơdrong jang kăl, tơmam ‘lơ̆ng lơ, anih dơ̆ng, bưng ai apŭng plĕnh teh nhen hrei ‘nâu.