Hop akŏm roi tơbăt hơdăh proh hơmet ming păng pơtrŭt tơmơ̆t jên jang pơlei tơm Cần Thơ ‘noh jĭ tơdrong jang gĭt kăl hăm tơdrong tơlĕch jang bơ̆jang kiơ̆ Proh hơmet ming pơlei tơm, hơvơn lơ kon jên, sơng đei tơmơ̆t jên jang, pơtrŭt hơtŏk tơiung mŭk drăm tơpôl kơ Cần Thơ tơ̆ hơnăp kơnh.

Pơma tơ̆ hop akŏm, Thủ tướng Phạm Minh Chính pôk pơ ư păng hmach chơt hơiă kơ pơlei tơm Cần Thơ hlôi tơtĕnh pơjing, jang đang, pơtruh ăn Thủ tướng teh đak tơlĕch ăn păng roi tơbăt hơdăh trong jang proh hơmet ming pơlei tơm đơ̆ng sơnăm 2021 - 2030, lăng truh sơnăm 2050 tơ̆ hop akŏm năr ‘nâu. Hăm trong jang proh hơmet ming đơ̆ng pơlei tơm Cần Thơ Thủ tướng pơma hơdăh, Cần Thơ jĭ 1 lơ̆m dôm tơring iŏk đei tơdrong bơngơ̆t truh, tơmơ̆t jên jang lơ đơ̆ng Đảng, teh đak; đei trong jang tơgŭm hơdrol tôm, hrơ̆ch 1 ‘măng, hiôk; đei trong jang proh hơmet ming ‘lơ̆ng.