Gơmăng ‘năr 1/2, tơ̆ Hà Nội, Thủ tướng Phạm Minh Chính vang truh pơm lêh pơjao Tơmam hơpăh hla ar chih kơtơ̆ng ang ‘măng mă VIII sơnăm 2023. Đei 72 ƀai chih hơgei hloh đei Anih pơgơ̆r rơih iŏk pơjao tơmam hơpăh ‘noh jĭ bơngai tang măt hơgei hloh ăn kơ 2.216 ƀai chih akŏm tơdrong hơdrin, gơh hơgei, đon nuih păng tơƀôh tơdrong chă hơlen, bơ̆jang pơcheh hơgei hăm đon tơchĕng chĭnh trĭ kơjăp, jơhngơ̆m đon bơ̆jang ‘lơ̆ng păng tơnăp lơ̆m tơpôl, hăm tơdrong ‘mêm pơlei pơla, teh đak đơ̆ng dôm bơngai jang chih hla ar tơroi. Pơma tơ̆ jơ pơm lêh, Thủ tướng Phạm Minh Chính hmach thơ thâu tơdrong jơnei đơ̆ng Jơnei Búa liềm vàng ‘măng mă VIII sơnăm 2023 păng hmach thơ thâu kơ rim bơngai, tơpôl hlôi vang jang păng iŏk đei Jơnei sơnăm ‘nâu.

Hăm tơdrong kăl “Iŏk tơdrong ‘lơ̆ng hŭt tơdrong kơnê̆”, “iŏk tơdrong hơdrin tŭn hŭt kơnê̆”, Thủ tướng athei dôm kơdră đảng, anih jang đảng akŏm chĕp kơ̆l, pơgơ̆r, pơm tơdrong hiôk ăn rim anih jang chih kơtơ̆ng ang, khŭl chih hla ar tơroi akŏm tơroi tơbăt dôm kơjă kăp gĭt lý luận, tơdrong jang tơplih ‘nao đơ̆ng Đảng păng khŏm pơjing Đảng rơgoh, pran kơjăp. Hơtŏk loi dơ̆ng dôm ƀai chih găh dôm bơngai ‘lơ̆ng, tơdrong ‘lơ̆ng, bơngai hơgei.