Pơma tơ̆ jơ pơm Lêh, Thủ tướng Phạm Minh Chính pơma hơdăh, lơ̆m prăt jơhnơr arih tơiung teh đak păng vei teh đak đơ̆ng hơdrĕch hơdrŭng bơ̆n, mă đơ̆ng hloh lơ ‘măng tơplih tơring teh păng hơnăn krao, Quảng Bình ling lang jing tơring teh sĭt, bơngai hơgei”, đei anih gĭt kăl kơ teh đak, jĭ tơring gĭt kăl chĕp kơ̆l pơgơ̆r, tơring lăng ƀôh lơ tơdrong tơplih tih iĕ lơ̆m jơ hnơr arih, pŭ ƀĕnh tơdrong mơmat tat đơ̆ng chĕng găn tơring păng pơih blŭng ăn tơdrong pơih să tơring găh Pơbăh kơ teh đak Việt Nam.

Tơ̆ hơnăp kơnh, kiơ̆ lơ̆m tơdrong jang kơjăp păng dôm jơnei gĭt kăl iŏk đei đơ̆ng rŏng vă jê̆ 50 sơnăm jơnei teh đak, 35 sơnăm pơjing dơ̆ng dêh char, kŭm hăm khei ‘năr tơ̆ hơnăp kơnh ‘lơ̆ng hơiă kơ teh đak, Quảng Bình đei tơdrong hiôk tih tên hơtŏk tơiung ‘lơ̆ng jing dêh char hơtŏk tơiung đei ƀôh kơ tơring tŏk bŏk hăm tơm ‘noh jĭ hơtŏk tơiung pơvih pơvăn, tơmang lăng; kơmăy kơmŏk rơgoh, ŭnh hơyuh rơgoh, pơm tơlĕch; choh jang sa kơmăy kơmŏk hơgei, bri brăh, jang tơnăp, kơjăp ‘lơ̆ng.