Tơ̆ jơ xơng, Thủ tướng teh đak bơ̆n Phạm Minh Chính xơkơ̆t hơdăh Việt Nam hơnơ̆ng pơtoi trong jang tơbôl hiôk hian, rơngei, tơbôl, jang hadoi păng hơtŏk, pơ-'lơ̆ng lơ tơdrong jang tơbôl lơ̆m apŭng plenh teh; jing boăl, jing teh đak vang jang lui ngeh, đei xơnong kăp gĭt lơ̆m kơpal teh. Găh po, ƀok Medvedev xơkơ̆t hơdăh Đảng teh đak Nga Thŏng nhâ̆t hơnơ̆ng tơgŭm hơtŏk tơbôl jang hadoi tôm tơdrong hăm Việt Nam, pơtoi hơmet dôm tơdrong jang hadoi juăt jue, atŭm hăm noh pơih xă tơdrong jang hadoi găh mŭk drăm – tĕch pơdro, axong jang, joh ayŏ, tơmang pơhiơ̆, jang hadoi lơ̆m tơring, akŏm pơma dơnuh kon pơlei. Ƀar păh hơtŏk pran păng kơhret kơjăp jang hadoi 2 păh lơ̆m dôm tơdrong jang nhen unh hơyuh, đak dâu hơyuh xoh, khua hŏk – kih thuơ̆t, pơtho pơhrăm.