Tơ̆ 'măng pơma đam, Thủ tướng teh đak bơ̆n Phạm Minh Chính xơkơ̆t hơdăh, Việt Nam hơnơ̆ng lăng tơgĭt tơdrong hơtŏk jang tơbôl jang hadoi hăm Bờ Biển Ngà, lăng Bờ Biển Ngà jing minh lơ̆m dôm teh đak jang hadoi kăp gĭt kơ Việt Nam tơ̆ châu Phi. Ƀar ƀok kơdră hmach bơnê kơ dôm tơdrong hơtŏk hơ-iă lơ̆m tơbôl jang hadoi lơ̆m khei năr âu ki, mă hăt noh lơ̆m tơdrong jang chĭnh trĭ - jang tơbôl, mŭk drăm, tĕch pơdro, joh ayŏ, pơtho pơhrăm. Thủ tướng Phạm Minh Chính pơkăl, khei năr truh, ƀar păh kăl vei xơđơ̆ng hơtŏ tơdrong jang tĕch pơdro, pơjing lơ tơmam drăm, hơtŏk tĕch tơmam ăn teh đak đe hăm dôm tơmam dơnơm kơ Việt Nam păng hơlen pơih xă tơdrong jang hadoi truh dôm tơdrong jang pran nai.