Thủ tướng pơma hơdăh, pơtho mâm non tôch gĭt kăl lơ̆m rim anih pơtho pơhrăm kơ teh đak, lơ̆m trong jang tŏk khul bơngai jang, atŏk tơiung kon bơngai Việt Nam. Pơtho mâm non jĭ jăl hŏk ‘măn đe hơ iŏh iĕ lơ̆m tơdrong tih vơ̆ kơ kon bơngai. Pơjing, tơiung kon bơngai athei đei pơjing đơ̆ng dôm sơnăm mă blŭng chăl arih hloi.

Khul kơdră chĕp kơ̆l Trung ương Đảng jăl XIII kŭm tơlĕch tơdrong tơchơ̆t hơnơ̆ng tơplih ‘nao, pơm hơtŏk tơdrong ‘lơ̆ng đơ̆ng trong tơgŭm lơ̆m tơpôl, pơm lăp hăm tơdrong ‘mĕh vă pơjing păng vei lăng teh đak lơ̆m chăl ‘nao. Tơdrong tơchơ̆t hơnơ̆ng tơƀôh hơdăh đon tơchĕng tôch ‘lơ̆ng đơ̆ng Đảng găh tơdrong tơgŭm lơ̆m tơpôl, lơ̆m noh đei tơgŭm găh pơtho pơhrăm vă pơyoa ăn tơdrong jang tŏk kon bơngai. 1 lơ̆m dôm đon pơhnŏng klĕp truh sơnăm 2030 đei tơlĕch lơ̆m tơdrong Tơchơ̆t ‘nŏh “Jang kĕh tơdrong pơtho pơhrăm mâm non ăn đe hơiŏh mâu yăo đơ̆ng 3 - 5 sơnăm...".