Pơma sơkơ̆t ‘Măng hop akŏm, Thủ tướng teh đak bơ̆n Phạm Minh Chính ră hơdah, tơplih kơsô̆ hlôi jing tơdrong jang ‘nao, noh pơkăl athei rơih trong jang trŏ ƀlep. Tơbang hơdah minh ƀar tơdrong hlôi jang lơ̆m tơdrong jang tơplih kơsô̆.

Thủ tướng teh đak pơkăl khei năr truh, rim anih jang tơm, rim tơring asong bơngai jang, tơlĕch jang drơ̆ng minh dôm sơnong jang, trong jang gah tơplih kơsô̆ hlôi tơlĕch, hơdrin keh đang păng jơnei hloh dôm tơdrong tơlĕch jang kiơ̆ Tơdrong jang tơplih kơsô̆ kơ teh đak păng Tơdrong pơm jang kơ Anih jang teh đak gah dôm tơdrong hơtŏk pơtơm Jơnŭm pơgơ̆r kơsô̆, mŭk drăm kơsô̆, tơpôl kơsô̆, chih tơbăt hơrih xa kơsô̆, hăm pơkăp iŏk kon pơlei, anih jang mŭk drăm pơm tơm, jing tơ-‘ngla dơnơm lơ̆m tơdrong tơplih kơsô̆ păng athei pơma tơpăt, jang tơpă, vă kon pơlei, anih jang mŭk drăm gơh đei yua dôm tơdrong jang đei jơnei đơ̆ng tơplih kơsô̆ hơ-‘nhăk ăn,“ưh đei prơih lê̆ bơngai ayơ tơ̆ rŏng”.