Tơring teh tơ măn đak krong Hồng – tơring tôch gĭt kăl găh chinh trĭ, mŭk drăm, jŏh ayŏ kơ dŏ xoang, tơpôl, cham char, khul linh, vei sơđơ̆ng tah đak păng jang tơbôl; tơring oei chĕp vei lơ tơdrong jŏh ayŏ kơ dŏ xoang kăp gĭt lơ̆m jơhnơr arih kơ hơdrĕch hơdrung; jĭ tơring jang tŏk pran kơ teh đak. Jĭ tơring dơ̆ng ƀât tŏk bŏk, đei năng jĭ ‘măng jang mât lĕch hăm tơring găh Tu teh đak bơ̆n păng ASEAN găh tơlĕch trong jang tŏk mŭk drăm, tĕch mơdro hăm Trung Quốc – mĭnh anih tĕch xă hlŏh lơ̆m apŭng plenh tĕh păng tơplơ̆ dơ̆ng.

Tơ̆ Hop akŏm, Thủ tướng Phạm Minh Chính athei dôm bơngai tang măt pơma nuh, tơgop lơ nơ̆r gĭt kăl ăn Tơdrong tơproh hơmet trong jang vă iŏk yoa, tưk tơiung dôm tơdrong pran ‘lơ̆ng, kĕ pơjei hăm đe, hơdai hăm ‘nŏh sek tơlang pơ ‘lơ̆ng dôm tơdrong oei pơmat tat, pơlong nol vă tơring gơ̆h jang tŏk hrĕnh păng kơjăp.