Găh tơdrong jang, trong vă jang tơm lơ̆m sơnăm 2024 Thủ tướng tơblang hơdăh rim tơdrong lơ̆m apŭng plenh teh păng lơ̆m teh đak, hơdai hăm ‘nŏh roi tơƀôh dôm tơdrong tơm vă bơ̆ jang lơ̆m sơnăm 2024 lơ̆m noh pơma hơdăh, sơnăm 2024 jĭ sơnăm jang tŏk gĭt kăl, tôch kăp gĭt vă bơ̆ jang đei Trong jang 5 sơnăm 2021 - 2025.

Thủ tướng ăn tơbăt, tơdrong tơm hlŏh ‘nŏh pơ ‘nhŏ ăn tơdrong jang tưk tơiung tơdrong jang tŏk, tơklep hăm vei kơjăp mŭk drăm lơ̆m teh đak, tang găn kơjă tơmam tŏk, pơm ‘lơ̆ng ăn dôm tơdrong jang tih găh mŭk drăm; hơdai hăm ‘nŏh, năng kăl truh tơdrong vei sơđơ̆ng tơdrong arih xa tơpôl, pơm hơtŏk tơdrong arih xa ăn kon pơlei; hơmet kơjăp, tưk tơiung jơhngâm pran ăn khul linh, vei kơjăp tơdrong sơđơ̆ng lơ̆m tơpôl; hơtŏk tơdrong jang tơbôl păng mât hơdai hăm apŭng plenh teh, vei lăng ‘lơ̆ng tơdrong rơngei, hiôk hian vă jang atŏk tơiung teh đak. Đon pơhnŏng tôch hơdăh lơ̆m sơnăm 2024 ‘nŏh khŏm bơ̆ jang vă gơ̆h jang tŏk mŭk drăm lơ̆m teh đak đơ̆ng 6 - 6,5%.