Thủ tướng pơma hơdăh, vă anih tĕch mơdro kơ tĕh đak tơpă jing “Khul gĭt kăl lơ̆m tơdrong jang mŭk drăm kơ tĕh đak” chơng hơnhăk rim anih jang mŭk drăm nai, tôch kăl băt hơdăh dôm tơdrong oei tơhlăk lơ̆m trong pơgơ̆r jang, tơdrong tơgŭm hăm anih tĕch mơdro kơ tĕh đak. Thủ tướng athei dôm bơngai tang măt pơma nuh, hơlen năng mă trŏ hơnăp jang đơ̆ng anih tĕch mơdro kơ tĕh đak hrei ‘nâu, đơ̆ng chih hơdăh dôm tơdrong kăl hơmet ming hăm anih tĕch mơdro kơ tĕh đak vă lăp hăm rim tơdrong tơ̆ yăn âu lơ̆m tĕh đak Việt Nam.

‘Nâu kŭm jing tơdrong vă pơvih ăn tơdrong hơlen năng dôm tơdrong jang kiơ̆ Tơdrong tơchơ̆t kơsô̆ 12-NQ/TW găh hơnơ̆ng hơmet ming, tơplih ‘nao păng pơm hơtŏk tơdrong đei yoa đơ̆ng Anih tĕch mơdro kơ tĕh đak vă tơroi ăn Anih tơm Chinh trĭ set hơlen, roi tơbăt ăn Khul kơdră chĕp kơ̆l Trung ương jăl XIII. Athei hơlen năng mă rơđăh ƀiơ̆ găh trong tơmât jên jang păng tơdrong jang xa đei yoa đơ̆ng Anih tĕch mơdro kơ tĕh đak khei ‘năr âu ki vă đơ̆ng nŏh băt hơdăh dôm tơdrong tơhlăk, tơdrong pơmat tat kăl đei hơmet ming.