Kiơ̆ Anih tơm jang tơbôl, 6 khei blŭng sơnăm 2024, tơdrong jang tơbôl găh mŭk drăm đei tơlĕch jang hrơ̆ch ‘lơ̆ng, đei yoa, vang tơgop ‘lơ̆ng ăn tơdrong jang atŏk tơiung mŭk drăm, tơpôl. Lơ̆m 36 tơdrong jang tơbôl tih đơ̆ng blŭng sơnăm truh dang ei, tơdrong jang mŭk drăm hơnơ̆ng jing tơdrong tơm, hơnhăk ăn iŏk yoa ‘lơ̆ng, đei yoa, kĭ pơkăp đei lơ hla ar jang hơdoi.

Thủ tướng ăn tơbăt, hrei ‘nâu Việt Nam chih hơdăh tơdrong vă pơ ‘nhŏ jang hơdrol ‘nŏh jĭ jang tŏk mŭk drăm, yoa thoi nŏh athei akŏm jơhngâm pơm ‘nao dôm tơdrong jang tŏk đơ̆ng sơ̆ đei răt yoa tơmam, tơmât jên jang păng tĕch mơdro tơ̆ teh đak đe; athei dôm anih jang tang măt ăn Việt Nam tơ̆ teh đak đe akŏm jơhngâm ăn tơdrong tĕch mơdro tơ̆ teh đak. ‘Mĕh thoi noh athei hơtŏk trong pơih xă anih tĕch mơdro tơ̆ teh đak, hơmet pơ ‘lơ̆ng anih jang hơdoi, tưk tơiung trong jang xa hơdoi, tĕch mơdro, tơmât jên jang, pơvei kon pơlei, hơtŏk tơdrong chă tơmang lăng; krao hơvơn tơmât jên jang, pơih xă trong jang tŏk ăn dôm tơdrong vă jang tŏk ‘nao.