Đơ̆ng blŭng sơnăm truh dang ei, Jơnŭm pơgơ̆r teh đak hlôi pơgơ̆r 5 'măng hop akŏm gah chih luơ̆t; hơlen, tơgop nơ̆r, tơchơ̆t hăm lơ tơdrong jang đei tơrĕk truh tơchơ̆t; ăn ƀôh hăm tơdrong kơ-'nôh pran, pơm jang tơnăp đei jơnei đơ̆ng Jơnŭm pơgơ̆r teh đak lơ̆m tơdrong tơlĕch tơchơ̆t.

'Măng hop akŏm ah khei 7, Jơnŭm pơgơ̆r teh đak hơlen, tơgop nơ̆r lơ̆m 3 tơdrong chih akŏm luơ̆t, 2 tơdrong vă chih luơ̆t păng 1 tơdrong tơchơ̆t kơ Kuôk hô̆i. Lơ̆m noh đei: Pơkăl chih akŏm Luơ̆t Tang găn păng tơjră tĕch tơtông kon bơngai (hơmet tơplih); Pơkăl chih akŏm Luơ̆t Thuê̆ tĕch gĭt kăl (hơmet tơplih); Pơkăl chih akŏm Luơ̆t Thuê̆ hơtŏk kơjă (hơmet tơplih); Chih akŏm hơmet minh ƀar tơchơ̆t Luơ̆t tĕch pơlong kơjă Mŭk drăm; Chih Luơ̆t hơmet gah Ƀao hiêm xah hô̆i (hơmet tơplih); Tơroi, tơbăt iŏk yua thuê̆ tơjur lơ̆m kơpal teh; tơroi gah trong tơchơ̆t tơgŭm anih asong jang 'nguaih thuê̆.