Tơ̆ jơ hop akŏm, Khŭl kơdră chĕp kơ̆l teh đak păng kơdră chĕp kơ̆l dôm anih tơm, anih jang kơpal hlôi mơ̆ng păng pơma dơnuh găh tơdrong tơchĕng hơlen, pơjing tơdrong jang, roi tơbăt akŏm găh tơdrong jang, kŭm nhen tơlĕch trong jang, hơyak năm, kơmăy kơmŏk, jên hu păng dôm tơdrong ƀơm truh ming man trong gre treng kơdâu hrĕnh Bắc-Nam. Pơtôch jơ hop akŏm, Thủ tướng Phạm Minh Chính athei kŭm hăm pơjing tơdrong jang, athei pơtrŭt pơtho pơjao kơmăy kơmŏk, vei lăng hơgei, ‘nao pơđĭ hloi lơ̆m vei lăng, iŏk jang  gre kơdâu păng anih jang kăl; pơgơ̆r pơtho bơngai jang, tơklep hăm hơtŏk tơiung kơmăy kơmŏk trong gre treng păng hơnih trong gre treng hăm hơyak năm trong jang mă lăp.

Hơdai hăm pơjing Tơdrong jang tơmơ̆t jên jang pơm trong gre treng kơdâu hrĕnh Bắc- Nam pơtruh ăn rim kơdră gơh kĭ ăn lơ̆m sơnăm 2024, pơjing dôm tơdrong jang pơm hơtŏk dôm trong gre treng đei dang ei, ƀơ̆t măt pơ ‘nhŏ hơdrol tơmơ̆t jên jang pơm trong gre treng Lào Cai - Hà Nội- Hải Phòng.