Pơma tơ̆ Hop akŏm, Thủ tướng Phạm Minh Chính pơma hơdăh, lơ̆m khei ‘năr mơmat tat, rim kơ dră, rim anih jang, rim tơring hlôi hơdrin yak hloh, tơlĕch jang kơtang, hrơ̆ch 1 ‘măng, đei tơdrong tơm dôm hơnăp jang, trong jang tơlĕch ăn. Lơ̆m noh, hlôi akŏm lơ̆m dôm hơnăp jang tơm kăl hrei ‘nâu ‘noh jĭ pơm tơdrong jang sa ăn kon pơlei, pơtrŭt jang tŏk, vei sơđơ̆ng dôm tơdrong hơtŏ băl tih, sơđơ̆ng mŭk drăm, vei kơ jăp sơđơ̆ng teh đak.

Thủ tướng kŭm athei dôm bơngai tang măt vang Hop akŏm âu akŏm pơma dơnuh tơdrong mŭk drăm - tơpôl khei 6, jăl khei mă II păng 6 khei blŭng sơnăm. Lơ̆m noh tơ roi rơ đăh dôm tơdrong ‘lơ̆ng, dôm tơdrong tam mă ‘lơ̆ng kăl kơ hơmet ming, ƀai hŏk hlôh vao; tơblang hơdăh tơdrong; tơlĕch trong jang tơm, tơdrong ‘lơ̆ng bơ̆jang kiơ̆ dôm hơnăp jang khei 7 păng 6 khei hơtuch sơnăm 2023.