Pơma tơ̆ hop akŏm, Thủ tướng Phạm Minh Chính athei dôm bơngai tang măt akŏm đon hơgei, hơnơ̆ng jơhngơ̆m đon tơplih ‘nao, tơroi tơbăt, pơma dơnuh, iung pơma akŏm lơ̆m dôm tơdrong nhen tŭn pran hloh dơ̆ng tơdrong jang kiơ̆ athei “Tơklep kơjăp đơ̆ng pơjing khôi luơ̆t hăm pơgơ̆r jang kiơ̆ khôi luơ̆t, vei sơđơ̆ng khôi luơ̆t đei bơ̆jang kiơ̆ hơtŏ băl, tơpăt, tơtom, đei yua” kiơ̆ Hla ar kăl Hop akŏm Đảng ‘măng mă XIII păng Tơdrong tơchơ̆t kơsô̆ 27 găh hơnơ̆ng pơjing păng hơmet ‘lơ̆ng teh đak chĕp kơ̆l pơgơ̆r kiơ̆ khôi luơ̆t xã hội chủ nghĩa Việt Nam.

Tơlĕch dôm trong jang vă hơmet pơ ‘lơ̆ng mơmat tat, tơhlăk tơhlĭn, hơmet ming dôm tơdrong oei đei, ưh kơ ‘lơ̆ng lơ̆m pơgơ̆r tơlĕch jang dôm Luơ̆t, Tơdrong tơchơ̆t nhen: Tơdrong jang pơgơ̆r tơlĕch jang oei hiơ̆; Tơdrong hre oei đei, hiơ̆ tơlĕch hla ar hơgăt hơdăh; Tơdrong jang dăr hơlen hla ar pơkăp khôi luơ̆t tam mă đei bơngơ̆t truh ƀlep tơdrong.