Lơ̆m noh, Thủ tướng pơkăl Anih tơm jang Unh hơyuh Việt Nam: Akŏm hơvơn jang tơnăp rim tơdrong, adrin jang kơtang hloh lơ̆m tơdrong pơgơ̆r jang drơ̆ng minh, đei jơnei dôm trong tơlĕch axong unh hơyuh; pơgơ̆r  pơm kiơ̆ kơjăp kiơ̆ tơchơ̆t păng kiơ̆ tơdrong pơgơ̆r đơ̆ng Thủ tướng teh đak, tơdrong pơtho đơ̆ng Anih tơm Kŏng Thơng găh tơdrong âu. Kơchăng pơjing trong jang hơbĕch vă tơjră hăm dôm tơdrong tơnap tap găh axong unh hơyuh kiơ̆ tơdrong pơtho đơ̆ng Anih tơm Kŏng Thơng; atŭm hăm noh, pơgơ̆r jang hadoi hăm rim anih jang tơm, rim anih jang, rim tơring pơgơ̆r pơm kiơ̆ tơchơ̆t tơlĕch. Akŏm pơm jang đei jơnei dôm trong tơlĕch jang găh mong ƀiơ̆ unh hơyuh, mă kăl lơ̆m khei 6 xơnăm 2023.