Thủ tướng hơma hơdăh, ‘nâu kŭm jing tơdrong chiôk hơiă păng ‘nă hal hăm Khŭl chĕp kơ̆l đảng teh đak, Khŭl kơdră teh đak păng Đảng bộ Anih jang Khŭl kơdră teh đak. Thủ tướng pơma hơdăh, lơ̆m prăt tơdrong jang, bơ̆ jang kach mang, ƀok Phạm Gia Khiêm păng ƀok Trương Hòa Bình hlôi yak hloh lơ anih jang, iŏk jang lơ tơdrong jang lơ̆m dôm tơdrong jang pha ra băl.

Tơ̆ tơdrong jang hơ yơ, bre ƀok adoi ling jang jang ‘lơ̆ng tơdrong jang, đon tơchĕng đơ̆ng Đảng; mĭnh jơhngơ̆m đon hăm Đảng, hăm teh đak păng kon pơlei; chĕp vei jơhngơ̆m đon ‘lơ̆ng kach mang đơ̆ng bơngai đảng viên cộng sản, ưh kơ pơdơh hŏk pơhrăm, hơdrin đĭ jơhngơ̆m kơ dih bơ̆jang kiơ̆ dôm hơnăp jang đei pơjao.