Pôk ăn hla bơar hôn bơnê ăn rim khul păng rim bơngai lơ̆m khul bơ̆ jang kơ Ƀô̆ đô̆i păng Kŏngh ang vang iung jang hơmet pơ ‘lơ̆ng đơ̆ng teh tơdrŏ pơrăm tơ̆ Myanmar, Thủ tướng Phạm Minh Chính akhan, tơdrong ăn khul jang vang năm tơgŭm dŏng, tơgŭm djru dôm bơngai răm đơ̆ng teh tơdrŏ pơrăm tơ̆ Myanmar jĭ tôch gĭt kăl, tơgop tơƀôh hơdăh hơnih dơ̆ng kơ teh đak; pơtruh ăn dôm tơdrong ou to găh teh đak, kon bơngai Việt Nam gơ̆h găt, băt ‘mêm kơ eng dih băl, tơgoăt tơgoăl apŭng plĕnh teh; sơkơ̆t hơdăh tơdrong lui yom, tơdrong kĕ jang kơ Việt Nam lơ̆m hơmet pơ ‘lơ̆ng dôm tơdrong tơnap tap, mă kăl tŏ ‘mi kial pơrăm lơ̆m apŭng plĕnh teh păng lơ̆m tơring roi năr roi kơtang, ưh kơ tom băt păng lơ̆m teh đak, ‘mi kial hơbŭt hơbông, phang pơđang, đak ƀăt ƀoh hram mơ̆t, teh tơdrŭt hơlih ... hăm tơdrong pơrăm roi năr roi kơtang, kơ yuơ lơ loh, kăl atŏk kơtang hlŏh dơ̆ng tơdrong iung jang đơ̆ng kon bơngai, sơđơ̆ng kon bơngai, sơđơ̆ng hơrih sa ăn kon pơlei.