Tơ̆ Hop akŏm, đei asong đơ̆ng Anih jang đang Khul linh Trung ương, Trung tướng Thái Đại Ngọc – jang lơ̆m Trung ương Đảng, jang lơ̆m Anih jang đang Khul linh Trung ương, Phŏ Ƀĭ thư Anih jang Đang, Kơdră Khul linh Kuân khu 5 hlôi pơjao tơchơ̆t păng thơ thâu hơ-iă hăm Thiếu tướng Cao Phi Hùng.

Thiếu tướng Cao Phi Hùng sơnăm âu 58 sơnăm, pơlei pơla tơ̆ xah Hoài Thanh Tây, thĭ xah Hoài Nhơn, dêh char Bình Định. Sơnăm 2018, ƀok đei Thủ tướng teh đak pôk jang kơchư̆k Phŏ Kơdră Khul linh Kuân khu 5 ƀơ̆t tŏk bŏk oei jang kơchư̆k Phŏ Kơdră tơgŭm jang Khul linh Kuân khu 5, atŭm hăm noh pôk kơlong Thiếu tướng.