‘Măng hop akŏm hlôi hơlen tôm tong dôm tơdrong jang kơ Hơnih chĕp pơgơ̆r lơ̆m khei năr au ki, tơlĕch trong jang lơ̆m khei năr kơnh. Jei tơ̆ hop akŏm, Hơnih chep pơgơ̆r hlôi tơbăt hơdăh tơdrong tơchơ̆t đơ̆ng Thủ tướng Teh đak găh tơlĕch jang kiơ̆ kơjăp lơ̆m Hơnih chĕp pơgơ̆r.

Tơ̆ hop akŏm, Thủ tướng Phạm Minh Chính  hơlen hơdăh athei hăm sơđơ̆ng mạng khei năr au kơnh hlôi jing trong jang kăl hloh; kăl iung jang tơjră kơtang hăm rim tơdrong long đơ̆ng lơ̆m mạng, ưh kơ lê̆ đei tơdrong ưh kơ ê. Adoi kăl đei vang iung jang đơ̆ng pơđĭ khul chinh trĭ, tơpôl hơnih mơdro sa, kon pơlei…Thủ tướng jei athei iung jang kơtang lơ̆m mơ̆t hơdoi apŭng plĕnh teh lơ̆m tơdrong jang sơđơ̆ng mạng; Chă hơlen hŏk pơhrăm dôm trong jang hơ iă lơ̆m chĕp pơgơ̆r, pơrô̆ jang păng trong jang sơđơ̆ng mạng lơ̆m apŭng plĕnh teh.