Tang măt ăn Khul Kơdră Teh đak, Hơnih chĕp pơgơ̆r, Thủ tướng hôn bơnê dôm tơdrong hơdrin đơ̆ng hơnih jang trong gre nơnăm, kơ rim kih sư, kŏng nhân, bơngai jang hơnih jang trong gre nơnăm hlôi vang kơrŭn jơhngơ̆m tơ iung pơjing trong gre nơnăm ‘lơ̆ng hơ iă.

Thủ tướng athei Hơnih tơm vei lăng trong gre nơnăm tơbăt hơdăh tơdrong jơnei jang kiơ̆ rim tơdrong jang, tơbăt hơdăh dôm tơdrong tim mă ‘lơ̆ng, tơhlăk tơhlĭn, tơnap tap, trong vă tơlĕch jang lơ̆m khei năr kơnh. Rim tơring akŏm tơbăt găh xek tơlang dôm tơdrong oei tơhlăk tơhlĭn nhen: Pơm hla bơar găh hơnih sir iŏk teh, tơmo vă ming man trong nơnăm ăn rim tơdrong vă jang; Tơdrong pơjao teh; Bơ̆ jang hơmet ăn tơmơ̆t jang nhen tơdrong vă jang pơm trong gre rĕnh pơlei tơm Hồ Chí Minh - Mộc Bài, Gia Nghĩa - Chơn Thành, Hữu Nghị - Chi Lăng, Hòa Bình - Mộc Châu, Tân Phú - Bảo Lộc, An Hữu - Cao Lãnh.