Thủ tướng hơlen, lăp đơ̆ng rŏng đei Tơdrong tơchơ̆t, Nơ̆r athei jang kiơ̆, Nơr pơtôch đơ̆ng Trung ương, Khul kơdră chĕp pơgơ̆r Đảng pơlei tơm, hơnih Đảng dêh char kơ 3 dêh char hlôi tơlĕch jang kiơ̆ kơtang, tơtom, sơđơ̆ng ƀlep jơ ‘năr đơ̆ng pơlei tơm truh tơ̆ tơring, pơjing đei lăp đon lơ̆m rim hơnih tơm, hơnih jang. Thủ tướng tơbăt, mĭnh tơring đei tơdrong jang kơdih; hơdrô̆ pơlei tơm Hồ Chí Minh, ou ki ‘nao đei tơplih kơdră kơpal kơ pơlei tơm mă lei hlôi tĕnh koăng sơđơ̆ng tơdrong, hlôi jang kiơ̆ pơm kơtoei đei 15%, hơmet pơ ‘lơ̆ng ƀiên chê̆ tơjur ‘noh 20%. Thủ tướng akhan, hloh đơ̆ng ‘măng dăr lăng ou hlôi tơchă đei rim tơdrong jang ‘lơ̆ng hơ iă; bơ̆ jang pơm hla bơar ‘lơ̆ng hơ iă, pơm rơvơn ăn kon pơlei hơnih mơdro sa. Thủ tướng jei athei 3 tơring akŏm atŏk tơ iung mŭk drăm, pơtrŭt kơtang tŏk mŭk drăm sơđơ̆ng tŏk tĕnh koăng păng kơjăp ‘lơ̆ng.