Thủ tướng pơma hơdăh, hloh 8 ‘măng pơgơ̆r, Tơmam hơpăh Búa liềm vàng hlôi sơkơ̆t hơdăh đei tơdrong yom kiơ̆ kơtang, hơnih dơ̆ng kơtang lơ̆m tơdrong pơgơ̆r pơlong chih kơtơ̆ng ang teh đak, sơng iŏk đei tơdrong lăng ba kơjăp đơ̆ng rim răih kon pơlei, tơdrong pơrô̆ jang đơ̆ng rim kơdră Đảng rim hơnih, hơvơn đei kơdrơ̆m kon pơlei, hlôi jing tơpă tơdrong pơgơ̆r kăl hloh, ‘meh vă hloh tơ̆ hơnăp ‘măng pơgơ̆r tơbăt năr pơjing Đảng rim sơnăm păng ‘nau jĭ tơdrong sơkơ̆t hơdăh hơnăn, lui yom, tơdrong lang să kơ Tơmam hơpăh.

Vă trŏ lăp hloh dơ̆ng tơdrong jang lơ̆m khei năr kơnh, Thủ tướng ‘meh vă păng lui akhan Tơmam hơpăh Búa liềm vàng atŏk kơtang hloh dơ̆ng dôm tơdrong hlôi iŏk đei, hơnơ̆ng tơplih ‘nao, tơchăr hơ iă vă roi năr roi lang să jơhngơ̆m đon pran kơtang păng đei ƀơm kơtang hloh hăm Tơmam hơpăh, tơgop tơ iung pơjing, ming hơmet Đảng, tơ iung pơjing khul chinh trĭ păng khul kang ƀô̆ rơgŏh ‘lơ̆ng, pran kơjăp iăp kơtang; tơgop kơtang, jơnei lơ̆m ‘măng tơ iung pơjing păng vei lăng Teh đak Việt Nam Xã hội Chủ nghiã; kơ yuơ kon pơlei pơdrŏng, teh đak pran kơtang, hơtŏ hơnơ̆ng, gơ̆h hơgei.