Kiơ̆ đơ̆ng Thủ tướng, hrei au lơ̆m teh đak đei 34 tơdrong vă jang tih, 86 tơdrong vă jang kăl teh đak, tơdrong jang kăl hơnih jang Trong gre nơnăm tơ̆ 46 dêh char, pơlei tơm găh Trung ương. Lơ̆m au đei 5 tơdrong vă jang trong gre treng, 2 tơdrong vă jang cham gre păr, păng dôm yơ ‘noh trong teh, mă kăl trong glung rĕnh păng rim trong ver tơring Hơnih tơm Hà Nội, trong ver pơlei tơm Hồ Chí Minh.

Đơ̆ng rŏng 9 ‘măng hop akŏm, Hơnih chĕp pơgơ̆r hlôi băt hlôh hloh dơ̆ng, rim tơdrong vă jang đei tơlĕch jang ‘lơ̆ng hơ iă hloh dơ̆ng, Thủ tướng hlôi tơƀôh hơdăh 6 tơdrong kăl hloh vă tơlĕch iung jang lơ̆m khei năr kơnh, ‘noh: hơnăp jang kơtang đơ̆ng rim hơnih tơm, rim hơnih jang, rim tơring ‘noh jĭ iung jang kơtang hloh dơ̆ng, jơnei hloh dơ̆ng; ming man keh đang tĕnh koăng hloh; kơjăp ‘lơ̆ng hloh; ming man ‘lơ̆ng kơjăp hloh dơ̆ng trŏ lăp hăm tơdrong yan au. Mă pơđăm ‘noh rim tơring kăl hơmet pơ ‘lơ̆ng rim tơdrong đei ƀơm truh iŏk tơvih teh; hơmet pơ ‘lơ̆ng cham char, pơm sơđơ̆ng hơrih sa ăn kon pơlei.