Thủ tướng sơng kơdră chĕp kơ̆l dôm Grŭp jang pơm trong gre treng, unh điên tơm kơ teh đak Trung Quốc
Thứ ba, 13:54, 25/06/2024
VOV/Dơ̆ng tơblơ̆
VOV/Dơ̆ng tơblơ̆
VOV4.Bahnar - Kơsơ̆ ‘năr 24/6, tơ̆ plt Đại Liên, lơ̆m ‘măng năm bơ̆ jang tơ̆ teh đak Trung Quốc, Thủ tướng Phạm Minh Chính sơng ƀok Tôn Vinh Khôn, Kơdră chĕp kơ̆l Khul vei lăng Công ty TNHH Kơ̆l kơmăy păng kiĕng gre treng Đại Liên păng ƀok Vương Tiểu Quân, Phŏ Kơdră chĕp kơ̆l Grŭp jang unh điên Trung Quốc (PowerChina).
Tơ̆ jơ pơma nuh, Thủ tướng Phạm Minh Chính tơchĕng ‘lơ̆ng dôm tơdrong jơnei đơ̆ng Công ty TNHH Kơ̆l kơmăy păng kiĕng gre treng Đại Liên păng akhan, kiơ̆ đơ̆ng tơdrong pơvei chinh trĭ ‘lơ̆ng hơiă, Việt Nam păng Trung Quốc athei hơtŏk hlŏh dơ̆ng tơdrong jang hơdoi, tơguăt 2 anih jang mŭk drăm, lơ̆m noh đei hloi tơdrong jang pơm trong gre treng – ‘nâu kŭm jing tơdrong jang mă teh đak Việt Nam oei tôch ‘mĕh jang hrei ‘nâu.
Lơ̆m noh, 2 păh hlôi drơ̆ng nơ̆r pơm trong gre treng kơdâu klĕch tơring sơlam, dôm trong gre treng Lào Cai - Hà Nội - Hải Phòng, Đồng Đăng - Hà Nội, Móng Cái - Hạ Long - Hải Phòng- ‘nâu jĭ dôm trong gre treng tôch gĭt kăl vă hơtŏk tơdrong jang hơdoi mŭk drăm, tĕch mơdro 2 pang.
Viết bình luận