Kơdră Khul Ngĭ sih jang tơbôl Márcio Honaiser hmach bơnê kơ tơdrong tơbôl kơ 2 Kuôk hô̆i đei hơtŏk kăp gĭt lơ̆m khei năr tơjê̆ âu; ăn tơbăt, Hă viê̆n Brazil ưh hơdrô̆ hơpơi ‘meh hơtŏk tơbôl Brazil-Việt Nam mă oei hơpơi ‘meh Việt Nam đei jang tơbôl ‘lơ̆ng hăm Jơnŭm jang tơring pơbah Châu Mih, adoi nhen đơ̆ng Brazil hăm Jơnŭm jang dôm teh đak Đông Nam Á.

Drơ̆ng nơ̆r hăm dôm nơ̆r tơgop đơ̆ng dôm Ngĭ sih Brazil, Thủ tướng teh đak bơ̆n pơkăl Hă viê̆n, Thươ̆ng viê̆n Brazil păng Kuôk hô̆i Việt Nam hơtŏk jang hadoi, tơgŭm dih băl vă hơtŏk dôm tơdrong pơma đam kơpal păng asong khul kơpal năm tơmang dih băl khei năr truh; hơtŏk dôm tơdrong jang hadoi đơ̆ng 2 Kuôk hô̆i lơ̆m dôm tơdrong tơroi hlôh vao, chĕp vei sơnong jang kơ Kuôk hô̆i lơ̆m tơdrong jang chĭn trĭ, jang tơgŭm đơ̆ng lơ teh đak lơ̆m kơpal teh.