Thủ tướng Phạm Minh Chính hmach bơnê kơ ƀok Thomas Vallely hlôi đei lơ tơgop kăp gĭt, mă kăl lơ̆m tơdrong pơtho pơhrăm păng pơma đam gah tơchơ̆t jang, tơgop đei jơnei lơ̆m pơgơ̆r jang mŭk drăm păng hơtŏk tơdrong jang tơbôl Việt Nam - Hoa Kỳ.

Thủ tướng pơkăl Giáo sư Thomas Vallely păng dôm bơngai juăt jang pơtoi tơgŭm Việt Nam lơ̆m dôm trong tơchơ̆t jang kiơ̆ trong jang kơmăi kơmŏk ‘nao, pơtho bơngai jang, tơroi gah tơdrong hlôh vao gơh hơgei; pơjao ăn dôm anih jang dơnơm păng pơlei tơm HCM pơm kiơ̆ dôm tơchơ̆t jang, pơm trong hiôk ăn dôm anih asong jang pơma atŭm păng Đăi hŏk Fulbright Việt Nam pơma hơdrô̆ gơh pơm jang, hơtŏk kiơ̆ trŏ khôi luơ̆t pơkăp.