Tơ̆ jơ sơng, Thủ tướng Phạm Minh Chính pơma hơdăh, Malaysia jĭ teh đak jang hơdoi gĭt kăl hăm Việt Nam, mă loi găh tĕch mơdro, tơmât jên jang, dôm anih tĕch mơdro đơ̆ng Malaysia tơmât jên jang xa roi đunh roi lơ păng đei yoa tơ̆ teh đak Việt Nam.

Thủ tướng athei 2 păh pơma nuh găh tơdrong juăt jang, trong jang hơdoi kiơ̆ dôm tơdrong tơgŭm, hơtŏk tơdrong vei lăng, pơtho tơƀôh kơmăy kơmŏk, pơtho ăn khul bơngai jang, mă loi jĭ lơ̆m dôm tơdrong ‘nao tŏk; tưk tơiung tơdrong jang hơdoi đơ̆ng anih tĕch mơdro 2 păh roi đei yoa ƀiơ̆, hơtŏk tơdrong pơvei ăn kon pơlei, jang hơdoi găh tơmang lăng, jŏh ayŏ kơdŏ xoang ‘lơ̆ng hơiă kiơ̆ tơdrong hơgăt rơhơi hiôk.