Kiơ̆ kơ ‘nŏh, Thủ tướng tĕh đak athei lơ̆m dôm sơnăm ‘nâu, jơ̆p lơ̆m tĕh đak adrin 1 sơnăm ‘mơ ‘met đei tŏ sĕt hlŏh ‘nŏh 2% akŏm đĭ đăng unh điên đei iŏk yoa; pơm tơjur ƀiơ̆ hiong răm găh unh điên hơla kơ 6% lơ̆m sơnăm 2025. Adrin truh sơnăm 2030 đei 50% anih jang kơ tĕh đak păng 50% hnam kon pơlei iŏk yoa unh điên măt ‘năr pơm kơpal bơbŭng hnam. Truh đĭ sơnăm 2025, đĭ đăng unh điên tơ̆k tơ̆ trong chô̆ hăm kơ ƀŏng LED.

Vă iŏk đei tơdrong ‘nâu, Thủ tướng athei rim anih jang, khul grŭp, rim bơngai bơ̆ jang kiơ̆ mă ‘lơ̆ng tơdrong ‘mơ ‘met unh điên. Mă hơdăh, dôm anih tơm, anih jang kơpal, anih jang găh Khul kơdră tĕh đak, Anih vei lăng kon pơlei dôm dêh char, plt găh trung ương, dôm anih tĕch mơdro păng khul grŭp tơpôl vang bơ̆ jang kiơ̆ trong ‘mơ ‘met unh điên.