Kiơ̆ kơ ‘nŏh, vă jang đei dôm tơdrong hơgăt lơ̆m trong jang atŏk tơiung mŭk drăm, tơpôl sơnăm 2024, hơdai hăm ‘nŏh iŏk tơdrong sơ ‘ngon pơm jing tơdrong bơ̆ jang tơ̆ hơnăp tơdrong lôch hơchăng đơ̆ng ƀok Tổng Bí thư Nguyễn Phú Trọng, Thủ tướng teh đak athei dôm Kơdră tơm, kơdră chĕp kơ̆l dôm anih jang kơpal găh Khul kơdră teh đak, Kơdră vei lăng kon pơlei dôm dêh char, plt găh Trung ương hơnơ̆ng akŏm jơhngâm hơmet pơ ‘lơ̆ng tơtom dôm tơdrong pơmat tat đơ̆ng kon pơlei păng anih tĕch mơdro:

Anih tơm vei lăng jên hu tơlĕch jang ‘lơ̆ng dôm tơdrong tơgŭm pơdui năr nôp thuê̆, jên iŏk yoa teh, tơjur jên thuê̆ hơtŏk kơjă tơmam, tơjur jên pơm hla ar hlôi đei tơlĕch; jăh tơchĕng hơlen, hơmet pơkĕh, tơlĕch nơ̆r apinh hăm Khul kơdră teh đak hăm tơdrong hơgăt jên thu hơdrol kơ pơm hla ar hăm gre ô tô, pơm, rap lơ̆m teh đak lơ̆m khei 7-2024. Kăn ƀô̆, anih jang, tơring tơrang athei hlôh vao hơdăh, năng tơdrong tơlĕch jên jang kơ teh đak jĭ 1 tơdrong jang chinh trĭ tơm dơnơm; ‘moi kiơ̆ trong vă jang, đon pơhnŏng vă jang hăm rim tơdrong vă đei trong pơgơ̆r jang pran ƀiơ̆ mưh tơlĕch jang dôm tơdrong jang tơm kơ teh đak.