Tơ̆ 'măng tơjrâ̆m, Thủ tướng teh đak bơ̆n Phạm Minh Chính sơkơ̆t hơdah, Đảng, Jơnŭm pơgơ̆r teh đak, Kuôk hô̆i păng kon pơlei Việt Nam ưh kơ layơ hiơt tơdrong tơgŭm dăp đon dăp bơnôh đơ̆ng Cuba hăm tơdrong iung tơjră pơrơngei hơdrung hơdrĕch Việt Nam, hơnơ̆ng lăng tơgĭt păng khŏm mă kơhret kơjăp hloh tơdrong tơbôl juăt jue păng jang hadoi tôm tơdrong Việt Nam - Cuba, atŭm tơgŭm tơdrong jang kĕch mang trŏ ƀlep đơ̆ng kon pơlei Cuba.

Thủ tướng sơkơ̆t hơdah đon pơkăp drơ̆ng minh đơ̆ng Việt Nam ưh đei tơgŭm păng pơkăl yuih lê̆ tơchơ̆t kâ̆m hơdrô̆ hăm teh đak Cuba. Ƀar pah sơkơ̆t tơdrong hơdrin atŭm jang pơgơ̆r tơnăp tơdrong jang tơbăt 50 sơnăm 'măng năm tơmang đơ̆ng ƀok Kơdră Fidel truh tơring yai phŏng Pơbah Việt Nam (khei 9/1973 - 9/2023), mă kăl noh 'măng năm tơmang Việt Nam đơ̆ng Kơdră Kuôk hô̆i Cuba Esteban Lazo Hernández.