Đơ̆ng rŏng kơ Lêh sơng, Thủ tướng teh đak bơ̆n Phạm Minh Chính hlôi pơma đam hăm Thủ tướng Trung Quốc Lý Cường. Tơ̆ jơ pơma đam, Thủ tướng Phạm Minh Chính lui ngeh ‘măng năm tơmang đơ̆ng Thủ tướng Trung Quốc gô đei jơnei ‘lơ̆ng rŏ; hơ-‘nhăk tơdrong jang tơbôl âu roi đei jơnei tơpă păng tôm tơdrong; tơgop ăn tơdrong rơngei hiôk hian, sơđơ̆ng păng jang hadoi, hơtŏk tơ-iung tơ̆ tơring păng lơ̆m apŭng plenh teh.

Gah tơdrong jang hadoi lơ̆m khei năr truh, 2 Thủ tướng drơ̆ng nơ̆r tơlĕch lơ tơdrong jang đei jơnei dôm tơdrong hlôh vao atŭm đơ̆ng đe Kơdră kơpal kơ 2 Đảng, 2 teh đak; pơtoi hơtŏk đon lui gah chĭnh trĭ, pơtoi hơnơ̆ng tơdrong tơƀơ̆p đe kơdră kơpal păng dôm jăl jang; hơtŏk pran dôm trong jang tơbôl đei jơnei dơnơm, hơtŏk akŏm hơpeh hơpong kon pơlei, hơtŏk tơdrong jang tơpôl kơjăp ăn tơdrong hơtŏk tơbôl Việt - Trung; pơtoi jang hadoi kơjăp păng tơgŭm dih băl lơ̆m dôm trong jang lơ teh đak; jang hadoi vei lăng tơnăp trong sơlam teh.