Tơ̆ 'măng tơƀơ̆p, Thủ tướng Phạm Minh Chính sơkơ̆t hơdah hơtŏk jang tơbôl hăm Trung Quốc jing trong jang kăp gĭt athei rơih jang mă hơdrol đĭ đăng lơ̆m tơchơ̆t jang tơbôl kơ Việt Nam. Gah trong pơkăp jang hadoi lơ̆m khei năr truh, Thủ tướng Phạm Minh Chính pơtruh nơ̆r, 2 pah pơtoi tơlĕch jang đei jơnei dôm tơchơ̆t atŭm đơ̆ng Kơdră kơpal hloh kơ 2 Đảng, 2 teh đak, pơtoi pơma dơnuh kơpal vă pơđăp gah tơdrong jang tơbôl 2 pah păng dôm tơdrong atŭm tơrĕk truh.

Hăm dôm tơdrong tơlĕch jang hadoi đơ̆ng Việt Nam, Thủ tướng Lý Cường sơkơ̆t hơdah Đảng, Jơnŭm pơgơ̆r teh đak Trung Quốc hơnơ̆ng lăng tơgĭt jang tơbôl hăm Việt Nam jing trong jang kăp gĭt tơbôl tơjê̆; ră hơdah Trung Quốc kơchăng atŭm hăm Việt Nam pơtoi tơroi gah trong jang, kơhret kơjăp hloh dơ̆ng tơdrong jang hadoi, hơ-'nhăk tơdrong Jang hadoi tôm tơdrong, Jơnŭm jang hadoi khei năr hơnô̆ hơnăp kơnh Trung - Việt kăp gĭt hơnơ̆ng đei iŏk jang tơnăp păng kơjăp hloh.