Thủ tướng teh đak bơ̆n Phạm Minh Chính bơnê kơ yă Penny Wong 'măng mă 2 năm tơmang Việt Nam hăm kơchư̆k Ƀô̆ trương jang Tơbôl Australia; tơƀôh tơdrong lui ngeh, pơtoi kơ dôm tơdrong năm tơmang đei jơnei keh kong kăp gĭt lơ̆m tơdrong hơtŏk jang Hadoi tơbôl Việt Nam - Australia tŏk bŏk hơtŏk pran kơtang lơ̆m 2 sơnăm teh đak tơbăt 50 sơnăm năr iung jang tơbôl (1973-2023).

Thủ tướng teh đak bơ̆n Phạm Minh Chính ră hơdah, 2 teh đak kăl jang hadoi gah pơtho pơhrăm, asong jang, akŏm joh ayŏ kơdŏ suang, akŏm kon pơlei, hơvơn anih jang mŭk drăm kơ 2 teh đak pơih să asong jang gah tơdrong mă 2 pah pran kơtang; atŭm hăm noh hơtŏk kơtang jang hadoi lơ̆m dôm tơdrong jang 'nao nhen tơjră hăm hơyuh tô̆ 'mi tơplih, pơ-'lơ̆ng unh hơyuh, jang mŭk drăm sô̆, tơplih sô̆...