Tơ̆ jơ sơng, Thủ tướng Phạm Minh Chính thơ thâu hơ-iă hăm Kơdră jang tang măt ăn teh đak Lào hlôi keh đang tơnăp jăl jang tơ̆ Việt Nam păng chơt hơ-iă đei Đảng, Khul kơpal teh đak Việt Nam pôk ăn Mê đai pơm jang tăl Mônh kơlih hlôi đei lơ tơgop kăp gĭt lơ̆m tơdrong hơtŏk jang tơbôl kăp gĭt, tơguăt tơguăl păng jang hadoi tôm tơdrong Việt Nam-Lào.

Kơdră jang tang măt teh đak Lào sơkơ̆t hơdah, hăm đon bơnôh tơguăt kăp gĭt hăm teh đak păng kon pơlei Việt Nam păng kơyuơ tơdrong pơyua atŭm kơ 2 teh đak, 2 hơdrung hơdrĕch, ƀok gô pơtoi hơtŏk tơdrong jang tơbôl “kăp gĭt hloh” đơ̆ng Việt Nam păng Lào ling lang kơjăp sơđơ̆ng.