Tơ̆ jơ sơng, Thủ tướng teh đak bơ̆n Phạm Minh Chính hmach bơnê kơ ‘măng năm tơmang mă âu gô tơgop kơhret kơjăp hloh tơbôl Jang hadoi Việt Nam- Thái Lan.

Pơma đam gah jang hadoi ƀar pah, Thủ tướng teh đak bơ̆n Phạm Minh Chính pơkăl 2 teh đak pơtoi hơtŏk tơdrong Jang tơbôl Việt Nam-Thái Lan hơtŏk minh jăl ‘nao; asong khul kơpal kơ anih jang Đảng, Jơnŭm pơgơ̆r teh đak păng Kuôk hô̆i năm tơmang dih băl; tơlĕch jang đei jơnei dôm tơdrong jang hadoi 2 pah, mă kăl noh gah tơdrong hop akŏm atŭm kơ jơnŭm pơgơ̆r teh đak kơyuơ 2 Thủ tướng pơgơ̆r. Thủ tướng adoi pơkăl 2 pah hăt hot pơm kiơ̆ Tơdrong Tơlĕch jang tơbôl Việt Nam-Thái Lan jăl sơnăm 2022 -2027.