Tơ̆ jơ xơng, Thủ tướng teh đak bơ̆n Phạm Minh Chính hmach bơnê kơ ƀok Karan Adani năm tơmang Việt Nam; xơkơ̆t hơdăh Việt Nam hơnơ̆ng lăng tơgĭt tơdrong tơbôl juăt jue păng jang hadoi hăm Ấn Độ; chơt hơ-iă hăm tơdrong Tơbôl jang hadoi tôm tơdrong kơ 2 teh đak tŏk bŏk oei hơtŏk pran lơ̆m tôm tơdrong jang. Thủ tướng ră hơdăh, tơplih kơsô̆, pơjing mŭk drăm kơsô̆, tơpôl kơsô̆ jing trong jang 'nao kơ apŭng plenh teh, Việt Nam adôi oei lơ̆m trong jang noh păng hơpơi 'meh Adani pơih xă axong jang pran hloh găh tơdrong âu. Thủ tướng xơkơ̆t hơdăh Jơnŭm pơgơ̆r teh đak Việt Nam kơchăng pơm trong hiôk vă Grŭp jang Adani pơtoi hơlen dôm tơdrong axong jang nai tơ̆ Việt Nam, atŭm hăm noh yuk hơlâu lơ̆m tơdrong pơtrŭt hơvơn dôm anih axong jang Ấn Độ truh Việt Nam.