Thủ tướng Phạm Minh Chính ră hơdăh UAE jing minh lơ̆m dôm teh đak jang mŭk drăm dơ̆ng mă mônh kơ Việt Nam tơ̆ tơring Trung Đông. Mă ƀơm lơ tơnap tap kơyuơ pơrang jĭ păng tơpôl lơ̆m apŭng plenh teh ưh đei xơđơ̆ng, mă lei tơmam drăm tĕch răt kơ 2 păh ăh xơnăm 2022 hlôi đei jê̆ 5 tih đôlar. Khei năr truh, Thủ tướng pơkăl 2 păh hơtŏk pran jang hadoi mŭk drăm, tĕch pơdro, axong jang, lơ̆m noh hơtŏk pran pơma đam Tơchơ̆t jang Hadoi mŭk drăm tôm tơdrong Việt Nam - UAE gơh tenh kuăng hloh; pơkăl UAE pơih xă tơring tĕch răt ăn tơmam tĕch tơlĕch đơ̆ng Việt Nam. Anih tơm jang Tĕch pơdro UAE xơkơ̆t hơdăh Việt Nam jing teh đak jang hadoi kăp gĭt kơ UAE, mă hăt noh lơ̆m hơtŏk tĕch pơdro hăm ASEAN, akhan 2 păh đei lơ tơdrong le lăi băl vă tơgŭm dih băl hơtŏk tơ-iung.