Thủ tướng pơjao ăn Kơ iĕng Thủ tướng Trần Hồng Hà jur năm tơ̆ hơnih ŭng sa pơrô̆ iung jang; athei Hơnih vei lăng kon pơlei kơ pơlei tơm Hà Nội pơrô̆ iung jang năm apĭnh jet gia pơma dơnuh tơtom, tơgŭm djru mŭk drăm, hơlêm jơhngơ̆m đon ăn ŭnh hnam đei bơngai răm; iung jang hơdoi kơjăp hăm Hơnih tơm Kŏng ang pơrô̆ athei rim khul akŏm iung jang hơmet pơ ‘lơ̆ng.

Lơ̆m pơgê năr 24/5, tơ̆ hop akŏm kơ ‘Măng hop akŏm mă 7, Kuô̆k hô̆i, Hơnih bơ̆ jang Kuô̆k hô̆i pơtruh nơ̆r vang ơ̆h sơ ‘ngon ăn rim ŭnh hnam đei bơngai lôch răm. Kơ iĕng Kơdră chĕp pơgơ̆r Kuô̆k hô̆i Trần Quang Phương chĕp kơ̆l khul năm trŭh tơ̆ hơnih ŭnh sa păng hnam pơgang vă apĭnh giet gia, hơlêm hăm dôm ŭnh hnam đei bơngai răm. Hơnih tơm Kŏng ang hlôi chih tơroi tơbăt ăn Thủ tướng teh đak găh ‘măng ŭnh sa pơm ăn đei tơdrong kơtang tơ̆ pơlei tơm Hà Nội. Adoi chă apĭnh Thủ tướng pơrô̆ jang, Hơnih Đảng pơlei tơm, Hơnih vei lăng kon pơlei kơ pơlei tơm Hà nội dăr lăng hơlen rim hnam ăn mơng oei păng rim hơnih hnam au to lơ̆m pơlei tơm.