Pơm lêh tih Phật đản Phật lịch 2567 - Dương lịch 2023 kơ yuơ Khul lui Phật giáo Việt Nam pơgơ̆r tơ̆ hnam Chua Quán Sứ - hơnih đei ƀôh lơ tơdrong pơgơ̆r jang gĭt kăl kơ Phật giáo Việt Nam. ‘Nau jing tơdrong pơgơ̆r tôch gĭt kăl hăm kon pơlei lui Phật, jing tơdrong pơgơ̆r joh ayŏ, lui khop apŭng plĕnh teh đei Jơnŭm vei lăng Liên hợp quốc drơ̆ng nơ̆r.

Tang măt ăn Kơdră chĕp pơgơ̆r Đảng, Teh đak, Mặt trận Tổ quốc Việt Nam păng hăm jơhngơ̆m đon ‘mêm kơ eng dih băl kơtang, Thủ tướng pơtruh nơ̆r hmach ăn Khul chĕp pơgơ̆r lui Phật Phật giáo Việt Nam, rim răih kon pơlei lui phật lơ̆m teh đak păng teh đak đe ling lang pran jăng grăng akau, oei sa gơ̆h găt băt ‘mêm kơ eng dih băl kơtang ƀlep lơ̆m năr Pơm lêh tih Phật đản Phật lịch 2567 kơ Khul lui Phật giáo Việt Nam. Thủ tướng pơma hơdăh, hăm vă jê̆ ƀar rơbau sơnăm tơklep kơjăp păng yak hơdoi hăm hơdrĕch hơdrung,  Phật giáo Việt Nam hlôi gei kơjăp, lang să, mơ̆t hrau lơ̆m tơpôl Việt Nam, jing mĭnh păh tơdrong gĭt kăl lơ̆m oei sa kơ kon pơlei Việt Nam; ‘meh vă păng lui Khul lui Phật giáo Việt Nam hơnơ̆ng kiơ̆ yok rok jơ̆ng jơhngơ̆m đon tơpôl, iŏk tơdrong vei lăng năng tông erih sa ăn kon pơlei, vei kơjăp tơdrong lui, atŏk kơtang jơhngơ̆m pran tơgoăt tơgoăl hơdrĕch hơdrung, kơ yuơ mĭnh teh đak Việt Nam nuih mơng, pran kơtang, pơdrŏng, hơnŭk hơnoa.