Trong tơlĕch jang kơ Hơnih jang tơmang pơhiơ̆ teh đak bơ̆n truh sơnăm 2025 sơng đei tŏ sĕt hloh 35 triu ‘nu bơngai tơmoi teh đak đe păng 120 triu ‘nu tơmoi lơ̆m teh đak; Truh sơnăm 2050 sơng đei 50 triu ‘nu tơmoi teh đak đe, 160 triu ‘nu tơmoi lơ̆m teh đak.

Vă iŏk đei nơ̆r tơlĕch au, kiơ̆ đơ̆ng Thủ tướng teh đak, Hơnih jang Tơmang pơhiơ̆ kăl tơpă tơplih ‘nao jơhngơ̆m đon tơchăr, trong jang hăm rim trong jang ‘lơ̆ng hơ iă, iŏk đei jơnei; jang kiơ̆ “tơgoăt kơjăp, iung jang hơdoi ‘lơ̆ng hơ iă, jang hơdoi tôm tong”. Thủ tướng athei Hop akŏm pơma dơnuh vă tơchă đei trong jang ‘lơ̆ng hơ iă lơ̆m khei năr kơ đeh, đunh đai; tơchă dôm nơ̆r tơl hơdăh ăn mĭnh ƀar tơdrong tơm vă hơnih jang tơmang pơhiơ̆ atŏk tơ iung tĕnh koăng păng kơjăp ‘lơ̆ng. Thủ tướng athei akŏm hơlen hơdăh dôm tơdrong kăl vă pơjing trong jang tơgŭm djru yă kiơ vă atŏk kơtang tơgoăt jang hơdoi atŏk tơ iung tơmang pơhiơ̆, atŏk đei jơnei hơ iă; kăl đei trong jang ayơ vă pơtrŭt, pơjing rơvơn ăn pơtrŭt atŏk tơ iung tơmang pơhiơ̆; Trong jang ayơ vă atŏk tơ iung khul jang tơmang pơhiơ̆, mă kăl khul bơ̆ jang gơ̆h hơgei.