Đơ̆ng blŭng sơnăm 2024, Khul kơdră teh đak hlôi pơgơ̆r 2 ‘măng hop akŏm kăl, lăng hơlen, ăn tơgop nơ̆r hăm 14 tơdrong vă pơjing khôi luơ̆t, tơdrong tơchơ̆t. Bơ̆ jang tơ iung pơjing, tơlĕch jang kiơ̆ khôi luơ̆t roi năr roi jang ‘lơ̆ng hơ iă, trŏ lăp, tơplih ‘nao păng păng jơnei hloh dơ̆ng.

Atŭm hăm tơ iung pơjing rim khôi luơ̆t, rim hơnih tơm, hơnih bơ̆ jang, Thủ tướng athei kăl akŏm tơ iung pơjing tơdrong tơchơ̆t, tơdrong pơkăp mă hơdăh trŏ lăp hăm rim khôi luơ̆t găh groi teh, tĕch răt teh hnam, hnam oei, tơdrong jang tŏk iŏk, hơdrin jang keh đang lơ̆m khei 5/2024 vă tơroi tơbăt ăn kơdră kơpal, hrôih tơlĕch jang kiơ̆ rim Khôi luơ̆t. Thủ tướng athei tơ̆ hop akŏm au, rim kơdră jang lơ̆m Khul kơdră chĕp pơgơ̆r teh đak akŏm jơhngơ̆m đon gơ̆h hơgei, hơnơ̆ng tơplih ‘nao; đŏk tơbăt hla bơar chih tơbăt tơdrong jang, tơgop nơ̆r mă kơđeh, hơdăh, pơma tơpăt tơdrong kiơ ‘noh hloi; akŏmn pơma dơnuh dôm tơdrong hle, oei “tơhlăk tơhlĭn”, tơdrong kăl, oei đei nơ̆r tơgop phara dih băl kăl pơma dơnuh dơ̆ng, apĭnh nơ̆r tơgop đơ̆ng Khul kơdră teh đak, sơđơ̆ng ƀlep trong tơlĕch jang, bơ̆ jang ‘lơ̆ng ‘măng hop akŏm.