Ƀar ‘nu Thủ tướng chơt hơ iă ƀôh hơdăh tơdrong tơgoăt jang hơdoi ƀar păh atŏk tơ iung tim lăh đei păng tôm tong lơ̆m lơ tơdrong; sơkơ̆t hơdăh hơdrin hơnhăk tơdrong tơgoăt tơgoăl atŏk kơtang ‘nao. Bar păh drơ̆ng mĭnh nơ̆r jang hơdoi mŭk drăm ‘noh jing tơdrong kăl hloh lơ̆m tơgoăt tơgoăl ƀar teh đak; iung jang hơdoi tơlĕch jang kiơ̆ jơnei Tơdrong tơchơ̆t găh tơgoăt ƀar tơring jang mŭk drăm păng tơgoăt tơgoăl Jang hơdoi Mŭk drăm rơgoh ‘lơ̆ng-Mŭk drăm kơsô̆ Việt Nam - Singapore, mă kăl tơgoăt dih băl tơdrong jang viễn thông; atŏk tơ iung tơdrong jang VSIP 2.0 kơjăp ‘lơ̆ng, gơ̆h hơgei; atŏk tơ iung ŭnh hơyuh rơgoh ‘lơ̆ng. Ƀar Thủ tướng jei pơma hơdăh kăl atŏk kơtang hloh dơ̆ng jang hơdoi lơ̆m rim tơdrong jang kăl nhen vei lăng sơđơ̆ng teh đak, pơtho pơhrăm, joh ayŏ păng năm ngôi dih băl kơ kon pơlei. Thủ tướng Teh đak Phạm Minh Chính sơkơ̆t hơdăh gô pơjing rơvơn ăn rim hơnih mơdro sa Singapore pơih să tơmơ̆t jên jang lơ̆m Việt Nam.