Tơ̆ pơma dơnuh, Thủ tướng Teh đak Phạm Minh Chính sơkơ̆t hơdăh trong bơ̆ jang kơ Việt Nam lăng teh đak Mi ‘noh mĭnh teh đak jang hơdoi kăl hloh, hôn bơnê kơ Mi hlôi tơgum djru mĭnh Việt Nam pran kơtang, pơm tơm kơdih, hơdrin păng hơnŭk hơnoa, adoi athei Mi hơnơ̆ng pơtrŭt kơtang hlŏh dơ̆ng rim trong jang hơdoi hơdăh.

Ƀok kơdră tơm Joe Biden drơ̆ng nơ̆r hăm Thủ tướng Phạm Minh Chính găh pơchoh trong păng trong tơlĕch jang ‘nao kơ tơgoăt tơgoăl ƀar teh đak adoi nhen rim tơdrong jang hơdoi kăl, lơ̆m au đei tơdrong jang pơgang, vei lăng sơđơ̆ng tơpôl, ŭnh hơyuh rơgoh ‘lơ̆ng, kmăi kmŏk hơgei. Ƀok kơdră tơm Joe Biden athei ƀar păh atŏk kơtang jang hơdoi trong jang tĕch răt bán dẫn ‘moi kiơ̆ rim tơdrong pơtho pơjing khul jang ăn Việt Nam, đơ̆ng noh hơnơ̆ng tơgŭm djru Việt Nam vang iung jang hơdoi kơtang hloh dơ̆ng păng đei jing vang iung jang hơdoi kơjăp lơ̆m tĕch răt iŏk yua tơ̆ tơring păng lơ̆m apŭng plĕnh teh.