Tơ̆ jơ pơma dơnuh, Thủ tướng Phạm Minh Chính pơma hơdăh Việt Nam hơdrin trong jang tơgŭm “mĭnh Trung Quốc”, bơngơ̆t truh dôm tơdrong pơcheh hơgei jơ̆p plei teh đơ̆ng Trung Quốc păng ling lang pơma dơnuh găh dôm tơdrong pơcheh hơgei âu.  

Tổng Bí thư, Kơdră teh đak Trung Quốc Tập Cận Bình pơma hơdăh Trung Quốc lăng Việt Nam ‘noh jĭ trong tơgŭm hơdrol lơ̆m akŏm đĭ đăng trong jang tơgŭm tơbôl đơ̆ng Trung Quốc; ‘nâu jĭ rơih iŏk tơdrong jang đơ̆ng Trung Quốc kiơ̆ lơ̆m tơdrong hơtŏk tơiung đunh đai đơ̆ng tơdrong pơvei Trung-Việt; ‘meh vă păng ling lang pơtrŭt tơdrong pơvei 2 Đảng, 2 teh đak roi ‘năr roi hơtŏk tơiung, yak mơ̆t jrŭ ‘lơ̆ng, tơ pă. 2 păh pơma dơnuh găh dôm tơdrong apŭng plĕnh teh, tơring vang bơngơ̆t truh, drơ̆ng nơ̆r vang vei lăng păng hơmet ‘lơ̆ng tơdrong ưh kơ lăp băl, pơvei tơdrong rơngei, sơđơ̆ng tơ̆ đak dơ sĭ, hơmet ming cham char hiôk ăn tơdrong hơtŏk tơiung đơ̆ng 2 teh đak.